Mrs. Hashini Herath
Deceased: 20 April 2026
அமெரிக்காவில் கார் விபத்தில் இலங்கை பெண் உயிரிழப்பு
அமெரிக்காவின் நியூயோர்க் மாநிலம் சிலி பகுதியில் இடம்பெற்ற துயரமான கார் விபத்தில், இலங்கையைச் சேர்ந்த 29 வயதுடைய இளம் பெண் ஹஷினி ஹேரத் உயிரிழந்துள்ளார்.
கடந்த திங்கட்கிழமை மாலை சுமார் 6.45 மணியளவில் ஸ்கொட்ஸ்வில் வீதியில் இந்த விபத்து இடம்பெற்றுள்ளது.
முன்னால் சென்ற வாகனத்தை முந்த முயன்ற லொறி, எதிரே வந்த ஹஷினி ஹேரத் ஓட்டிய காருடன் நேருக்கு நேர் மோதியதாக தெரிவிக்கப்படுகிறது.
இந்த விபத்தில் ஹஷினி ஹேரத் சம்பவ இடத்திலேயே உயிரிழந்துள்ளார்.
அவருடன் காரில் பயணித்த மற்றொருவர் காயமடைந்தாலும், சிகிச்சை பெற்று வீடு திரும்பியுள்ளார்.
விபத்தை ஏற்படுத்திய லொறி சாரதிக்கு எதிராக போக்குவரத்து விதிமீறல் குற்றச்சாட்டுகள் பதிவு செய்யப்பட்டுள்ளதாக தெரிவிக்கப்பட்டுள்ளது.
வாழ்க்கையை மேம்படுத்தும் கனவுகளுடன் கடந்த ஆண்டு தனது கணவருடன் அமெரிக்கா சென்றிருந்த இளம் உயிர்… இவ்வாறு திடீரென இழக்கப்பட்டிருப்பது மிகவும் வேதனைக்குரியது.
ஒரு குடும்பத்தின் நம்பிக்கை… ஒரு எதிர்காலத்தின் கனவு… ஒரு நொடியில் சிதறி விட்டது.
இந்த துயர தருணத்தில், அவருடைய குடும்பத்தினர், கணவர், உறவினர்கள் மற்றும் நண்பர்கள் அனைவருக்கும் எங்களின் ஆழ்ந்த அனுதாபங்களைத் தெரிவித்துக்கொள்கிறோம்.
சாலையில் ஒரு சிறிய தவறும் பெரிய விபத்துக்குக் காரணமாகலாம். தயவு செய்து கவனமாக ஓட்டுங்கள்… பொறுப்புடன் நடந்து கொள்ளுங்கள்.
இந்த துயர சம்பவம் அனைவருக்கும் ஒரு விழிப்புணர்வாக இருக்கட்டும்.
www.tamilthakaval.org
"Rest In Peace. Our heartfelt condolences to all the family members."
- Tamil Thakaval Team (26/04/2026 20:40)